Ukraina prezidenti Vladimir Zelenkiy AQŞ prezidenti Donald Trampnı öz inauguratsiyasınen hayırladı. Bu aqta o H içtimaiy ağında yazdı.«Prezident Donald Trampnı ve Amerika halqını inauguratsiyanen hayırlaymız! Bu deñişüvler künü, em de bir çoq meselelerni, şu cümleden dünya meselelerini çezmege ümüttir.Prezident Tramp er vaqıt qararlı, onıñ ilân ettigi küç yardımınen tınçlıq siyaseti Amerika yolbaşçılığını pekitmek ve amanlıq ve adaletli tınçlıqqa irişmek içün şans teklif ete, bu ise eñ müim şeydir Bu asır ne olacağını qararlaştırğan daqqadır, ve biz. epimiz beraber bu asırnı demokratiyalar içün büyük ve muvafaqiyetli yapmaq içün areket etmek kerekmiz, epimizge muvafaqiyetsizlik tilegenler içün degil, sizge hayırlı olsun, prezident Tramp! Biz faal ve özara faydalı işbirlikni bekleymiz. Biz beraberlikte daa küçlümiz ve dünyanı ve halqımıznı daa çoq havfsızlıq, stabillik ve iqtisadiy ösyüvnen temin ete bilemiz", - dey Zelenskiyniñ selâmlaşuvında.Aynı vaqıtta Donald Tramp öz inauguratsiya nutqunda bir kere bile Ukraina ya da Rusiye aqqında aytmadı.

‍